Мэдээ

Сэрэмжлүүлэг: Эхнэр хүүхдээ машиндаа үлдээгээд тусламж гуйхаар явж байгаад харамсалтайгаар…

СЭРЭМЖЛҮҮЛЭГ

Ховд аймгийн Булган сумын Байтаг багийн иргэн А нь эхнэр, нэг настай охины хамт сураггүй алга болсон талаарх мэдээллийг тус сумын Засаг даргын Тамгын газраас арваннэгдүгээр сарын 30-ны 08.00 цагийн үед Хилийн цэргийн 0130 дугаар ангид мэдэгджээ.

Ангиас эрэн хайх ажиллагааг нэн даруй эхлүүлснээр 09.50 цагийн орчимд иргэн А-ын эхнэр, нэг настай охины хамт машиндаа бээрсэн, захын эрхтэн хөлдсөн байдалтай байсныг олж, эмнэлгийн анхан шатны тусламжийг яаралтай үзүүллээ.

Тодруулбал, иргэн А нь эхнэр, нэг настай охины хамт арваннэгдүгээр сарын 27-ны өдөр Булган голын чиглэлд зорчих үед унаж явсан автомашин нь эвдэрч, сүлжээ тасарсан байна. Тэрээр тусламж дуудах зорилгоор эхнэрээ охины хамт машиндаа үлдээгээд явжээ.

Харамсалтай нь иргэн А нь машинаасаа 3 км зайд осгож өөд болсон байдалтайгаар олдсон байна. Эрс хүйтэрч байгаа энэ цаг үед ард иргэд хол замд явахдаа өөрсдийн аюулгүй байдлыг хангаж зорчихыг анхааруулж байна.

Хил хамгаалах байгууллага

Related Articles

Back to top button

LIKE Дарж үзнэ үү