Мэдээ

“Өргөө” амаржих газрын захирал Ж.Энхцэцэгийг үүрэгт ажлаас нь чөлөөллөө

“Өргөө” амаржих газрын захирал Ж.Энхцэцэгийг үүрэгт ажлаас нь дөнгөж сая чөлөөлжээ.

Учир нь МҮЭХ болон Эрүүл мэндийн салбарын ажилчдын үйлдвэрчний эвлэлийн холбооноос хамтарч мэдээлэл хийсэн. Энэ үеэрээ “Өргөө” амаржих газар буюу Нэгдүгээр төрөх эмнэлгийн захирал

Ж.Энхцэцэгийн ажлын байрны дарамт шахалтын талаар маш олон өргөдөл гомдол иржээ. Түүнчлэн нийт 487 ажилтантай тус эмнэлгийн 138 ажилтныг Ж.Энхцэцэг захирал ажлаас нь халсан тухай мэдээллээ. Улмаар ажилчдыг хохироож буй эмнэлгийн удирдлагад хариуцлага тооцож чадахгүй бол өөрөө огцрохыг Эрүүл мэндийн сайд С.Энхболдоос шаардсан юм.

МҮЭХ-ны Ерөнхий нарийн бичгийн дарга Х.Буянжаргал хэлэхдээ “Намрын их ажлын үеэр энэ асуудал ярьж байгаа нь харамсалтай байна. Өргөө амаржих газрын удирдлагуудын асуудлыг шийдээч гэж бүтэн таван сар ярьсан.

Ерөнхий сайд, ЗГХЭГ-ын дарга, салбарын сайдад нь хандсан. Гэтэл арга хэмжээ авахгүй өнөөдрийг хүрлээ. Өргөө амаржих газраас 138 хүнийг буюу ажилчдын 30 орчим хувийг халсан байна.

Ж.Энхцэцэг захирал өчигдөр зөв.мн сайтад ярилцлага өгөхдөө “15 орчим хувийг халахад асуудалгүй” гээд ярьж байна билээ. Нэг ч хүнийг халах ёсгүй. Баталгаатай ажлын байраар хангаж, эмнлэгийн тусламж үйлчилгээг нарийн мэргэжлийн түвшинд хүргэх үүрэгтэй.

Эрүүл мэндийн сайд энэ асуудлаар тодорхой авч үзэх шаардлагатай байсан. ЭМЯ-ны эмнэлгийн мэргэжилтний ёсзүйн хорооноос Ж.Энхцэцэг захиралыг ёсзүйн дүрмийн зургаан заалтыг зөрчсөн гэсэн дүгнэлт гаргасан. Мөн ЭМЯ-ны хяналт шинжилгээ, үнэлгээ, дотоод аудитын газраас аудит хийсэн. Тэр дүгнэлтэд маш олон зөрчил гаргасан байгааг бичсэн байгаа юм” хэмээсэн юм.

Related Articles

Back to top button

LIKE Дарж үзнэ үү