Оройн хүрдэнд цагаан Ум гэрэлтэнэ. Тэр бол бүх бурхадын лагшин буюу гэрлэн биеийн эрчим. Гоо сайхан, мөнх оршихуйн бэлгэ тэмдэг. Тархины төвд туяаран буй цагаан гэрэлд төвлөрч Ум тарнийг алгуурхан дууд.
Хоолойн хүрдэнд улаан Аа гэрэлтэнэ. Тэр бол бүх бурхадын зарлиг буюу ариун үгийн эрчим. Тэнгэрлэг уран бүтээлийн дохио. Улаан гэрлийн цацралд төвлөрч Аа тарнийг алгуурхан дууд.
Зүрхний хүрдэнд хөх Хум гэрэлтэнэ. Тэр бол бүх бурхадын таалал буюу цэвэр ухамсрын эрчим. Цаглашгүй энэрэл хайрын ундарга. Зүрхэн тушаах хөх гэрэлд төвлөрч Хум тарнийг алгуурхан дууд.
Тарни тус бүрийг гурван удаа дуудаарай. Дуудлага бүрийн дараа бие, сэтгэлийн ариуслыг мэдрэн нэгэн мөч анир чимээгүй ажиглах хэрэгтэй.
Тарни (Монгол:Tarni.pngТарни; Санскрит: धारणी Дъарани) гэдэг нь санскрит хэл дээр бичигдсэн тодорхой өөр өөрийн зориулалттай, гүн гүнзгий утгатай үг, өгүүлбэр юм.
Буддын шашнаас өмнө Энэтхэгт үүсэн бөгөөд сүүлд Буддын шашинтай цуг Монголд орж ирсэн. Эрт дээр үед нам жимд бясалгагчид хүний биеэс бясалгал төвлөрлийн үед янз бүрийн авиа гарахыг мэдэрсэн байна. Үүнээс дуу авиаг бас эсрэгээр бясалгал, оюун санаа, бие махбодид нөлөөлөх нэг арга болгосон гэгддэг.
Шашны ёсоор тарни хүний оюун санаа, үйлс, сэтгэл болон гадаад зүйлст нөлөөлөх ид шидийн хүчтэй гэж үздэг. Монголчуудын хамгийн түгээмэл мэдэх тарнийн нэг нь:
Дээрхи Арьяабал бурхны тарнийн зургаан үсэг нь эх болсон зургаан зүйлийн хамаг амьтныг (тэнгэр, асури, хүн, адгуус, бирд, там) зовлонгоос ангижруулах хийгээд тэдний тусын тулд гэсэн утгыг агуулдаг.
Ум нь бурхны эрдэм чадлыг, мани нь энэрэл хайрыг, бадмэ нь билгүүний линхуаг билэгддэг. Уг тарнийг хамаг амьтны тусын тулд гэсэн сэтгэлээр унших ёстой ба уншсаны тусаар хамгийн хүнд хилэнц нүгэл ч арилдаг гэдэг.