Хэн ч наснаасаа эрт бууралтаж болно, эрэгтэй, эмэгтэй хамаагүй – буурал үс өөрийгөө үнэлэх үнэлэмжийг бууруулдаг байна. Буурал үсээ будуулахад хүмүүс маш их мөнгө зардаг. Химийн будганд мөнгө үрэхээс гадна мөн эрүүл мэндээрээ хохирч байгаа юм.
Яагаад гэвэл ихэнх будгууд канцорген урвалд орсон байдаг. Та байгалийн цэвэр гаралтай бүтээгдэхүүнээр буурал үсээ будаж болно – гэрийн нөхцөлд бэлдэхэд маш хялбар.
Танд хэрэгтэй зүйл болон хэрхэн бэлдэхийг танд танилцуулъя. Байгалийн цэвэр гаралтай үсний будаг бэлдэхэд танд 5-6 дунд зэргийн хэмжээтэй төмс хэрэгтэй.
Төмсөө хальслаад хальсыг нь усанд хийнэ. Хоёр цайны аяга ус хийж буцалгах хүртэл нь халаана.Ус буцалж эхлэнгүүт нь галаа багасгаад ойролцоогоор 20 минут зөөлөн буцалгана. Төмстэй саваа галаас авч тасалгааны хэмтэй болтол хөргөнө. Усаа шүүгээд төмсний хальсыг нь тусад нь авна.
Төмсний хандыг та таглаатай шилэн саванд хадгалж болно, нэг хэсэгтээ л айлтгүй хэрэглэх боломжтой. Анхилуун үнэр нэмэхийг хүсвэл лаванда эсвэл розмарины эфирийн тос хэдхэн дусал дусаагаарай. Цэвэр байгалийн гаралтай үсний будгийг түрхэхээс өмнө үсээ шампуниар угааж зайлагчаар зайлсан байна.
Ингэснээр буурал үс зөв чийг авах болно. Буурал үс жирийн үсийг бодвол илүү хуурай, хугарамтгай байдаг ажээ. Төмсний хандаа үсэндээ иллэг хийж түрхэнэ, гарын алгаараа үсний уртад түрхэж хуйхандаа хурууны өндгөөр иллэг хийнэ.
Иллэг хийж дуусгаад хэсэг байлгана, шууд угаахгүй. Дараа нь үсээ угаана. Энэ арчилгааг өдөр болгон хийнэ.
Хэсэг хугацааны дараа долоо хоногтоо 2-3 удаа 2 сарын турш төмсний хандаар угааж байна. 2 сарын хугацаанд таны үсний өнгө сэргэхээс гадна буурал үс таны сэтгэлийг дахин зовоохгүй болно.