Categories
Uncategorized

Өдрийн цайны амтат зоог грилдэж шарсан үхрийн махтай бургер хэрхэн хийх вэ? ШЭЙРЛЭЭД ХАДГАЛААД АВААРАЙ

Орц: 30 бургер-н порцоор

• Үхрийн мах – 2.5 кг

• Талхны үүрмэг – 1+1/2 аяга

• Давс – 2 х.х

• Нунтаг сармис – 2 х.х

• Хар перц – 1 х.х

• Гоньд – 1 х.х

• Сонгино – 2ш

• Өндөг – 4ш

Хачир:

• Салат навч

• Улаан лооль

• Сонгино

• Өргөс хэмх

Соус:

• Кетчуп

• Гич

Хийх заавар:

1. Үхрийн мах (70% бараан, 30% өөх байх хүзүү, сээрний мах гоё болдог), талхны үйрмэг, сонгино, үндсэн амтлагч болох давс, перцээ, өндөгтэйгөө сайтар холино (хүсвэл нэмэлт амтлагчууд болох нунтаг сармис, гоньдоо нэмнэ).

2. Ойролцоогоор 120 гр мах таслан авч бургерийн махаа бөөрөнхийлөн, дарж хавтгай хэлбэрт оруулна.

3. Сайтар халаасан грилл дээрээ тавьж, тал тус бүрийг 5 минут шарна. Нэг талаа шарах хооронд огт эргүүлэхгүй байх хэрэгтэй.

4. Махаа шарж байх хооронд талхаа мөн грилл дээр тавьж, 1 минут шарсны дараа дурын соусаа түрхэнэ. Соусны сонголтууд: майонез, гич, кетчуп, BBQ соус.

5. Мөн талх дээрээ салатны навч, улаан лооль, дарсан өргөст хэмх, сонгино зэргийг өөрийн сонголтоор тавина.

6. Бургерийн махаа шарж дуусахаас 1 минутын өмнө нимгэн хэрчсэн моцералла сир махан дээрээ тавьж хайлуулна. Энэ алхам сонголтоор бөгөөд заавал шаардлагатай биш.

7. Ингээд бэлдсэн талхан дээрээ махаа гаргаад, таны тасархай амттай бургер бэлэн боллоо.

Улаанбаатарын баялаг гал тогооны хамгийн эрэлттэй бас онцлох хоолны жагсаалтад бургер дээгүүрт жагсах нь гарцаагүй. Герман гарлын нэртэй ч Нэгдсэн улсын нэрийн хуудас болсон бургер сүүлийн хэдэн жилд манай хотынхны дуртай хоолны нэг болсон.

Жинхэнэ бургерчдийн хувьд энэ бол түргэн хоолны нэг төрөл, гялс идээд, ходоодоо дүүргэх зүйл огтхон ч биш. Дуртай бургерээ зорин байж, очиж амтлах нь христийн шашинтнууд ням гарагийн өглөө бүр сүмдээ очдог шиг тусгай үйл гэж хэлж болно.

Гэхдээ нэг дүрэм бий. Тэр бол анхны болзоон дээр хэзээ ч бургер захиалахгүй байх явдал юм

Leave a Reply

Your email address will not be published. Required fields are marked *