Тархины цусан хангамж муудахад идэвх хөдөлгөөн багатай амьдралын хэв маяг, урт цагаар суудаг ажил, тэр дундаа толгой хөдөлгөөнгүйгээр нэг байрлалд удаан байх зэрэг шалтгаан голчлон нөлөөлдөг.
Эдгээрээс хамгийн аюултай нь толгой нэг чигт хөдөлгөөнгүй байрлалаар удаан суух нь тархины цусан хангамжийг сүйрүүлэх хамгийн муу зуршил гэж үздэг.
Толгойгоо аль болох хажуу тийш болон дээш доош хөдөлгөж байх нь тархийг тэжээж байдаг гол судаснуудын уян хатан байдлыг хангаж, судас нарийсах, хатахаас сэргийлж байдаг.
Эдгээр хөдөлгөөнийг хийхдээ зөвхөн хамраар амьсгалаа жигд авч, гаргаж байх нь тархины эсүүдийг хүчилтөрөгчөөр хангаж, оюуны ажил хийх чадварыг нэмэгдүүлж өгдөг.
Иймд толгойгоо хоёр тийш нь болон дээш доош хөдөлгөх энэхүү амархан дасгалуудыг өдөр бүр өглөө оройдоо тогтмол хийж, мэдрэл болоод оюун ухаан, эд эрхтэний хөдөлгөөний гол хөдөлгүүр болсон тархиныхаа цусан хангамжийг сайжруулаарай.
- ТОЛГОЙГОО МӨР ЛҮҮГЭЭ БУУЛГАХ
Толгойгоо зүүн тийш гилжийлгэн аль болох доошлуулж хүзүүгээ суллаарай. Тэгш байрлалдаа буцаж ирээд баруун тийм мөн адил хийнэ. Хийхдээ огцом биш зөөлөн, аажуу хөдөлгөөнөөр хийгээрэй. 12 удаа хийнэ.
- ТОЛГОЙГОО ДЭЭШ ДООШ БОЛГОХ
Толгойгоо цээж рүүгээ доошлуулж эрүүгээ цээжиндээ хүргэнэ. Хүзүүгээ суллана. Дараа нь хойшоо гэдийж аль болох хол явахыг хичээгээрэй. Үүнийг мөн огцом биш аажуу зөөлөн хөдөлгөөнөөр 12 удаа хийж давтаарай.
3.ТОЛГОЙГОО БАРУУН ЗҮҮН ТИЙШ ЭРГҮҮЛЭХ
Биеэ эгцлэн сууна. Цээжээ хөдөлгөхгүйгээр толгойгоо хойш харах гэж буй мэт баруун зүүн тийш эргүүлнэ. Аль болох хол эргүүлэхийг хичээн 12 удаа давтан хийнэ.
- МӨРӨӨ ӨРГӨЖ БУУЛГАХ
Чөлөөтэй босч зогсоно. Гараа сул унжуулна. Хоёр мөрөө аль болох дээш нь өргөнө. Мөрөө гэнэт суллан доош унагаж буй мэт хаяна. Дараа нь мөрөө өргөн урагш хумих мэт хөдөлгөөн хийгээд мөн огцом хөдөлгөөнөөр хойш хаяна. 8-10 удаа хийгээрэй.
- МӨРӨӨ УРАГШ ХОЙШ БОЛГОХ
Гараа унжуулан чөлөөтэй зогсоно. Мөрөө аль болох өндөрт өргөнө. Хойш нь далаа хумин аль болох сайн гэдийнэ. Энэ дасгалыг хийхдээ том бөмбөлөг дээр хэвтэж буй мэт эсвэл мост унах гэж буй мэт аль болох сайн гэдийхийг хичээгээрэй.
Буцаад энгийн байрлалдаа аажуухан орно. Одоо урагш мөрөө өргөн нуруугаа төмбийлгөж бөхийнө. Нуруу, мөрөө сайтар сунгаад буцаад хэвийн байрлалдаа аажуухан орно. 8 удаа хийгээрэй.
- МӨРӨӨ ЭРГҮҮЛЭХ
Чөлөөтэй зогсоно. Мөрөө аль болох өндөр өргөнө. Хойш нь эргүүлэн аль болох холуур эргүүлэх хөдөлгөөнөөр эргүүлэн доош буулгана. Урагш тэмүүлж буй мэт мөрөө тойрог хийн дээш авчирч буцаад холуур тойрог хөдөлгөөнөөр буулгана.
Иймэрхүү тойрог хөдөлгөөнийг удаан хийж эхлээд хурдан болгох маягаар 25 удаа хийнэ. Энэ удаа хойш нь эргүүлсэн бол дараагийн удаа урагш эргүүлэх хөдөлгөөн хийнэ. Мөн 25 удаа давтана.
- БИЕЭРЭЭ ЭРГЭХ
Гаруу унжуулан сул зогсоно. Зүүн тийм биеэ 90 градус эргүүлнэ. Яаралгүй, тайван хийгээрэй. Одоо баруун тийм адил хийнэ. 10-15 удаа давтаарай.
- ХОЙШ ЭРГЭХ
7-р дасгалтай адил. Ялгаатай нь эргэж буй талынхаа мөр лүү харан толгойгоо эргүүлсэн байна. Ингээд биеийн хамт хойш харахыг оролдох мэт эргэж 180 градус болохыг хичээгээрэй. 10-15 удаа хийнэ. Огцом хүчилж эргэхгүй, аажмаар хийн аль болох хол эргэлт хийхийг хичээгээрэй.
- ГАРАА ТҮГЖИН БИЕЭР ЭРГЭХ
Гараа унжуулан сул зогсоно. Гараа залбирч буй мэт цээжиндаа авч хоёр алгаа нийлүүлнэ. Цээжээрээ эргэн ард буй зүйлээ харах гэж буй мэт тэмүүлнэ. Буцаж аажмаар байрлалдаа ороод нөгөө тийш адил хийнэ. Хөл байрандаа хөдлөхгүйгээр байна. 10-15 удаа давтана.
- БАРУУН ЗҮҮН ТИЙШ ХАЗАЙХ
Гараа ташаандаа авч чөлөөтэй зогсоно. Ийм байрлалаар баруун зүүн тийм хазайж аль болох доош хол явахыг хичээнэ. 10-15 удаа давтана.
- ТААЗАА ЭРГҮҮЛЭХ
Гараа унжуулан чөлөөтэй зогсоно. Эхлээд таазаа бага тойрог хийж буй мэт эргүүлнэ. Улмаар тойргоо томруулж буй мэт хөдөлгөөн хийн эргүүлнэ. Буцаад жижгэрсээр энгийн байрлалдаа очно. Одоо нөгөө тал руугаа мөн жижиг хөдөлгөөнөөс эхлэн томруулж буцаад жижигрүүлсээр анхныхаа байрлалд очно. Нэг талдаа хийгээд 3-5 хором амраарай.
Дасгалуудын хооронд биеэ сэгсрэн, мөрөө дээш доош хаялан суллах хэрэгтэй.
Эх сурвалж: https://mednew.site/
