Хөгшин хүмүүс гэлтгүй залуусын дунд үс унах эмгэг ихээр тохиолдох болсон билээ. Тиймээс үс унахад нөлөөлдөг түгээмэл шалтгаануудыг дурьдаж байна. Үүнд:
– Стресст орох. Байнгын бухимдал сэтгэл ханамжгүй байдлаас болж тархин дахь цусны халуун нэмэгдэн, хуйх хуурайшдаг.
– Бөөрний үйл ажиллагаа доголдох. Энэ нь хуйханд очих цусан хангамж багасах, үс өнгөө алдах, хугарч унахад нөлөөлдөг.
– Цайр витамин дутагдах. Хоол хүнсэнд өндөгний шар, самар, эрдэнэ шиш, ургамлын тос зэрэг хүнс дутагдахад үс унахад нөлөөлнө.
– Шампунь, ангижруулагчыг буруу сонгох. Дандаа нэг төрлийн шампунь, ангижруулагчыг хэрэглэх нь үс унахад нөлөөлдөг гэж үзэх нь бий. Яг энэ талаар тодорхой баримт олдоогүй ч шампуний найрлагыг ойр ойрхон сольж байх нь үсэнд амин дэм, тэжээл өгдөг нь тогтоогдсон аж.
– Халуун сэнс, бигуди байнга хэрэглэх. Тогтмол халуун сэнс, бигуди хэрэглэх нь үс унах бас нэгэ шалтгаан болдог.
– Нас ахих. Энэ хэрээр таван цул эрхтний үйл ажиллагаа буурч бодисын солилцоо асуудал үүсгэдэг байна. Иймд нас ахимаг эмэгтэйчүүд хоол хүнсэндээ анхаарахын сацуу чанартай шампунь, тэжээлийн тос сонгох нь зөв.
Америкийн “www.wikihow.com” сайт үс уналтыг зогсоох аргаас нийтэлжээ.
Үс унах нь олон шалтгаантай. Стресс, хүүхэд төрүүлэх, эмийн зохисгүй хэрэглээ, үсний будаг, химийн гаралтай бүтээгдэхүүн, буруу зуршил, нойргүйдэл гэх мэт хүчин зүйлсээс шалтгаалан үс унадаг.
Алхам №1
Үсээ угаахаасаа өмнө үсний тос хэрэглэж заншаарай.
Алхам №2
Өглөө сэрснийхээ дараа үснийхээ үзүүрт оливын тос эсвэл самрын тос түрх. Энэ тоснууд шампуниар угаасны дараа шууд арилах болно. Тосонд агуулагддаг амин дэмүүд үсэнд тэжээл өгч, уналтыг зогсооно.
Алхам №3
Үсээ самаар самнах үед их хэмжээний үс унадаг. Тиймээс та аль болох самнаас татгалзаарай.
Алхам №4
Сам хэрэглээгүй үедээ 2-3 минутын турш үсээ сэнсдэхийг зөвлөж байна. Энэ арга үс уналтаас хамгаалах болно.
Алхам №5
Үс гэмтэж, унадаг гол шалтгааны нэг бол үсээ задгай тавих. Хэрвээ та үсээ эрүүлжүүлж, бат бөх болгохыг хүсч буй үсээ боож сураарай.
Алхам №6
Үсээ эрүүлжүүлэх, үс уналтыг зогсоох шилдэг арга бол үсээ тайрах. Үс унаж, гэмтэх үед хамгийн эхэнд үсний үзүүр салаалдаг. Салаа таны үсний ургалтад саад учруулах болно.
Алхам №7
Та үсэндээ будаг түрхэж, хими хийлгэсэн бол аль болох жимс, жимсгэнийг хүнсэндээ хэрэглээрэй. Жимс таны үсний угийг эрүүлжүүлж, дотроос нь эмчлэх болно.
Алхам №8
Гадуур гарахдаа үсээ хамгаалж, алчуур зүүгээрэй. Цас, бороо, салхи үс гэмтээдэг.
Алхам №9
Долоо хоногт хоёроос доошгүй удаа үснийхээ уганд массаж хийгээрэй.