Эрүүл байхад уг нь тийм ч олон бас үнэтэй зүйлс шаардлагатай биш л дээ. Гэхдээ анхнаасаа санаа тавихгүй л бол хожмын нэг өдөр маш өндөр төлбөр төлөх шаардлага гарч болох хэдэн зүйлс бий. Хамгийн эхэнд шүд байдаг.
Яагаад эхэнд тавихын учир нь сүүн шүднээс эхлээд л анхаарч тордож эхлэхгүй бол шүд эрүүл биш болсноор бидний эрүүл мэндэд маш их хор хохирол учрах суурь нөхцөл бүрддэг. Шүд муутайгаас болж бид хоол хүнсээ олигтой зажилж чадахгүй болдог.
Энэ нь хоол боловсруулах замын эрхтэн системийг муутгаж өвчлүүлэх эхлэл болдог. Энэ нь бидний дархлаа сулрах, цус хүчилжих том шалтгаан болно. Энэ бол ханиад томуунаас эхлээд хорт хавдар хүртэлх бүхий л өвчинд бие маань амархаан сөгддөг болноо гэсэн үг.
Бас арьсны элдэв өвчлөл экзем, алерги зэргийн эхлэл нь шүд муутайгаас үүдэлтэй гэхэд та итгэх үү? Иймээс л үр хүүхдийнхээ шүдийг эрүүл байлгахад зарцуулж буй өнөөдрийн цаг мөнгө чинь хожмын өдрийн хорт хавдар эмчлүүлэх их зардлаас ч илүү үнэ цэнэтэй, чухал байж болно гэдгийг ойлгох хэрэгтэй.
Бас илүүдэл жингээсээ салахыг хүсэгчдэд хэлэхэд идэж буй, амандаа орсон юуг ч бай хамгийн багадаа 32 удаа зажилж байж залгиж сур гэсэн эртний үгийг цээжилж ав гэж хэлье. Тэгж чадвал тэр илүү хэдэн кг чинь зовоолгүй арилаад өгнө.
Гэхдээ ганц нэгхэн удаа биш, хооллох бүртээ тэгж зажилж байж амжилтанд хvрнэ шүү ккк. Тэгэхийн тулд мөн л эрүүл бас өөрийн “ориг” цахиуртай байх хэрэгтэй. Бас нэг чухал зүйл бол хөдөлгөөн юм. Энийг бүгд л мэдэх газар даа.
Тогтмол хөдөлж дасгалжиж байснаар цус, тунгалагийн эргэлт сайжирч, биеийн эсэргүүцэл сайн, үе мөч багана нуруу эрүүл, уян налархай байж чаддаг.
Булчин бол хоёр дахь зүрх гэгддэг. Булчингаа хөдөлгөж байж зүрхээ ачаалал багатай байлгах боломжтой. Дараагийн маш чухал зүйл бол эрүүл зөв хооллолт билээ.
Уламжлалт анагаах ухааны эмч Намхайдоржийн Цогтмандах
Бүрэн гүйцэт зажилж идээгүй хоолноос ач тустай, тэжээллэг бодисуудыг бие махбод бүрэн авч чаддаггүй байна. Хоолоо сайн зажилахгүйгээр усаар даруулан идэхэд хоол боловсролт эрс муудахад нөлөөлнө.
Учир нь хоолтой хамт уусан шингэн, ходоодноос ялгарах хоол боловсруулах шүүсийг шингэлдэгээс болж хоолыг боловсруулж чадахгүйд хүрдэг байна. Иймээс танд ямар хоолыг хэдэн удаа зажилж идэх, ингэснээр хоол хүнсний шингэцийн талаар мэдээлэл бэлтгэлээ.
Хэдий сайн зажилж идсэнээр шүлс сайн ялгарч шүлстэй холилдсон хоол ус уух шаардлагагүйгээр амархан залгигдах болно. Тэр дундаа бага насны хүүхдийн хоолыг сайтар зажилж идэхийг, эсвэл бүхэл бус нарийн шингэхэд хялбар байх байдлаар хооллох нь зүйтэй юм.
Дутуу зажилсан хоолыг ходоод боловсруулах гэж маш их ачаалалтай ажилласаар сүүлдээ хоол дутуу боловсорч, дутуу боловсорсон хоолондоо хордох, архаг өвчинд өртөх аюултай.
Хоолыг сайн зажилж иднэ гэдэг нь хоолыг бүр нялцгай болтол олон дахин зажилахыг хэлнэ.
Хүүхдүүдэд зажилж идэхийн ач холбогдлыг хэлж өг
Хүүхдүүдэд зажилж идэхийн ач холбогдлыг хэлж өгч, яаж зөв зажилж идэх аргыг сургах хэрэгтэй. Хүүхэд эхлээд идэх зүйлээ гараараа барьж мэдрэх хэрэгтэй. Дараа нь хоолоо 1 удаа үмхэн амандаа хийж үүдэн шүдээрээ хазан баруун, зүүн талынхаа араагаар дунджаар тус тус арав, арван удаа хоёулангаар нь арав, нийт гучин удаа зажилж шүлстэйгээ хольж иднэ.
hoolnii-shingets
1 үмх хоолыг зажилан залгисны дараагаар дараагийн үмх хоолыг амандаа хийх байдлаар хооллоорой
1 үмх хоолыг зажилан залгисны дараа дараагийн үмх хоолыг амандаа хийнэ. Дээр дээрээс нь зажилахгүйгээр хоолыг үмхэж болохгүй гэдгийг сайн хэлж сургана. Хүнсний бүтээгдэхүүн бүрийг зажилж идэх тоо түүний хатуу зөөлнөөс шалтгаалдаг.
Хүнсний бүтээгдэхүүнийн хэдэн удаа зажилах вэ?
Чанасан өндөг /33 удаа зажлах/
Төмсний нухаш /34 удаа зажлах/
Махны нухаш /36 удаа зажлах/
Хальсгүй алим /40 удаа зажлах/
Будаа /41 удаа зажлах/
Бяслаг /47 удаа зажлах/
Хиам /48 удаа зажлах/
Өргөст хэмх /53 удаа зажлах/
Түүхий байцаа /82 удаа зажлах/
Тостой хоол бага зажилагддаг учраас хүүхдэд тос багатай хоол хийж өгч байх хэрэгтэй. Сайн зажилж идэх тутам шүлс сайн ялгарч хоолыг боловсруулах нь сайн болно. Хурдан идэхдээ гол нь бус, сайтар зажилж идэх нь эрүүл мэндэд тустай байна.