Хүний биед хорыг устгаж гадагшлуулах үүрэг гүйцэтгэдэг маш олон эрхтэн, тогтолцоо, булчирхай байдаг. Гэвч тэдгээрийн ихэнх нь хороор бөглөрсний улмаас үүргээ зохих ёсоор нь гүйцэтгэж чадахаа больдог.
Тунгалгийн тогтолцоо нь тунгалгийн зангилаа, булчирхай, дэлүү, гүйлсэн булчирхай, сэрээ булчирхайгаас бүрддэг. Энэ бол цусны эргэлт болон дархлалын тогтолцооны нэг хэсэг юм.
Тунгалгийн тогтолцооны үйл ажиллагаа алдагдах маш олон шалтгаан бий. Үүнд тэжээллэг бодисын дутагдал, боловсруулсан хоол хүнс ихээр хэрэглэх, хөдөлгөөний дутагдал орно.
Тунгалгийн тогтолцоогоо цэвэрлэх болсон гэдгийг батлах шинж тэмдгүүд:
Хоол боловсруулалт хямрах
Толгойн байнгын өвдөлт
Синусийн халдвар
Илүүдэл жин
Архаг ядаргаа
Үе мөчний үрэвсэл
Арьсны өвчин
Тунгалгийн тогтолцоог идэвхжүүлэх 10 арга
Эдгээр нь хорыг биеэс зайлуулж тунгалгийн тогтолцооны үйл ажиллагааг хэвийн явуулахад тусална.
1. Хөдөлгөөний идэвх
Тунгалгийн тогтолцоонд шаардлагатай хамгийн эхний зүйл бол тогтмол дасгал хөдөлгөөн юм. Эхлээд хялбар, хөнгөн дасгалуудаас эхлээд өдөр бүр эрчмийг нь нэмэгдүүлээрэй. Тунгалгийн тогтолцоонд нөлөөлөх хамгийн сайн дасгал бол жижиг батут дээр үсрэх юм.
2. Эмчилгээний альтернатив арга
Тунгалгийн тогтолцоог хоргүйжүүлэх хамгийн хялбар аргуудын нэг бол усан иллэг юм. Энэ нь тунгалгийн эргэлтийг нэмэгдүүлэх ба илүүдэл шингэн, өөх, хорыг эсээс зайлуулна. Тунгалгийн урсгалыг өдөөж биеийн хорыг гадагшлуулах өөр нэг эмчилгээ бол зүү тавих юм.
3. Халуун, хүйтэн шүршүүр
Цусны судас халуун усны нөлөөгөөр өргөсдөг харин хүйтэн усанд судас агшдаг. Биед агуулагдах шингэнүүд нь ийм нөлөөнд удаан хугацаагаар байснаар “шахуургын” үйлчилгээ үзүүлнэ. Жирэмсэн болон зүрх судасны өвчтэй хүмүүст энэ эмчилгээг хийж болохгүй.
4. Хуурай цэвэрлэгээ
10 минутын турш биеийн сойзны тусламжтай тойрог хөдөлгөөн хийж биеэ угааж цэвэрлээрэй. Дараа нь шүршүүрт орж болно. Илүү үр дүнд хүрэхийн тулд халуун, хүйтэн шүршүүртэй хослуулаарай.
5. Цэвэр ус уу
Өдөрт наад зах нь 1,5 литр ус уу. Үүнээс гадна хэдэн аяга нимбэгтэй ус уух хэрэгтэй.
6. Бариу хувцас өмсөж болохгүй
Бариу хувцас өмссөнөөр тунгалгийн тогтолцооны эргэлтэнд муугаар нөлөөлнө. Учир нь бариу хувцас тунгалгийн урсгалыг саатуулж хорт бодис хуримтлагдахад хүргэдэг.
7. Гүнзгий амьсгал
Бидний биед цуснаас 3 дахин их хэмжээний тунгалгийн шингэн бий. Харамсалтай нь үүнийг шахах эрхтэн байдаггүй. Гүнзгий амьсгал авснаар шахуургын үйл явц өрнөж тунгалгийн тогтолцоог дэмжинэ. Ингэснээр хорт бодисыг биед зөөвөрлөхөд тусална.
8. Тунгалгийн урсгалд нөлөөлдөг хүнс хэрэглэ
Сахар бага агуулсан жимс
Маалингын үр
Навчит ногоон ногоо
Авокадо
Чиа үр
Бүйлс
Сармис
Цангис
Хушга
Бразил самар
Тунгалгийн тогтолцоог бөглөрүүлдэг хүнснээс татгалз:
Амт оруулагч
Боловсруулсан сүү, сүүн бүтээгдэхүүн
Боловсруулсан махан бүтээгдэхүүн
Шар буурцгийн гаралтай бүтээгдэхүүн
Элсэн чихэр болон сахараар баялаг хүнс
Хоолны давс
Тунгалгийн урсгалыг өдөөгч ургамлын гаралтай цай бэлтгэж уу:
Хунчир
Яншуй
Эхинацея
Розмарин болон ганга
Мэдээж хэрэг хэрэв таны эрүүл мэнд тааруу байгаа эсвэл бие тань хүчтэй өвдөж байгаа бол эмчид хандахыг зөвлөж байна. Өөрөө өөрийгөө эмчлэх нь таны эрүүл мэндэд аюултай байж болно!
Та өдрийн ихэнхийг ажил дээрээ компьютерийн ард суугаад, орой харимагцаа гар утсаа мааждаг уу. Ийм үед хүзүү, нуруугаар чилээд байгаа биз. Хөдөлгөөн багатай ийм хэвшил булчин хатуурах, мэдээ алдах эрсдэл үүсэх аюултай, эрүүл мэндэд сөргөөр нөлөөлдөг. Ийм байдлаас зайлсхийх хамгийн энгийн, хялбар дасгалууд энэ байна.
Хүзүү, мөрний дасгал
Удаан хугацаагаар суугаа ажил хийх нь хүзүү, мөрөнд их ачаалал өгч булчин, ясны холбоосуудыг өвтгөдөг. Их Британид гэхэд л зөвхөн өнгөрсөн онд 30 сая хүн хүзүүний өвчний улмаас эмнэлэгт ханджээ. Хүзүү орчмын мэдрэлийн эс, судасны өвчлөлөөс болж хараа муудахаас гадна тархи, толгойн өвчнөөр өвчлөх магадлалтай. Үүнээс зайлсхийхийн тулд та сандлаасаа барин маш энгийн дасгалууд хийж болно.
Хүзүү болон мөрний булчин сунгах дасгал
Нэг гараараа хаалганд тулан толгойгоо суллаж эрүүгээ эсрэг мөрөндөө наах дасгалыг 10 удаа хийгээрэй. Хэт хүчлэлгүйгээр зүгээр л булчингаа тааламжтай хөдөлгө. Дараа нь нөгөө талаараа давтаж хийнэ.
Өвдөлт, хурцадмал байдлыг арилгах дасгал
Хана налж зогсоод өсгийгөө хананаас 10 см-ын зайтай байхаар зогсоорой. Мөрөө өргөхгүйгээр гараа биеэсээ салгаж дээш өргөн алдал. Энэ дасгалыг хийхдээ гараа хананаас салгахгүй.
Бугуйн дасгал
Компьютерийн хулгана болон гар утсаа хүч гарган буруу барих нь гарын хуруу, шуунд ачаалал өгч өвтгөдөг. Энэ нь аажимдаа гарын шууны хам шинжид хүргэж магадгүй. Тийм учир ачааллыг бууруулж, цаашдаа өвчин үүсгэхээс сэргийлэх дасгал хийх шаардлагатай.
Ажлын байран дээрээ хийх боломжтой дасгал
Танд уг дасгалыг хийхэд хоёр жижиг бөмбөг юм уу, зориулалтын атгагч /эспандер/ хэрэгтэй. Ажлынхаа хажуугаар бөмбөгөө гартаа эргэлдүүлж, атгагчаа байнга атгаж дасгал хийгээрэй. Энэ дасгал нь хурууны үеүдэд нөлөөлдөг.
Залхуу хүмүүст зориулсан хувилбар
Бугуйг халаах дасгал
Зүүн гараараа баруун гарынхаа бугуйг барьж зүүн бугуйгаа тойрог маягаар 10 удаа эргэлдүүл. Дараа нь эсрэг талдаа хийнэ.
Хуруунуудын сунгалтын дасгал
Баруун, зүүн гарынхаа долоовор хурууг гогцооруулан холбож зөөлөн тат. Нэг гарынхаа бүх хурууг ингэж татсаны дараа нөгөө гарынхаа хуруунуудыг сунгаж татаарай.
Нурууны доод үе болон өгзөгний дасгал
Бүсэлхийгээр өвдөж, өвдгөөр хатгуулах нь нас ахиснаас болдоггүй. Ердөө байнга хөдөлгөөнгүй суух, дасгал хийдэггүйтэй холбоотой байж болох юм. Олон цагаар хөдлөхгүй суух нь бүсэлхий, өгзгөөр өвдөхөд хүргэж улмаар мэдрэлд нөлөөлдөг.
Хөдөлгөөн дутагдсанаар целлюлит үүсэх сөрөг үр дагавартай гэж эмч нар анхааруулдаг. Энэ үр дагавраас зайлсхийж эрүүл мэнд, гоо сайхнаа хамгаалахын тулд дараах энгийн дасгалуудыг хийгээрэй. Таны цусны эргэлт сайжирч өвдөлт намдах болно.
Ажил дээрээ хийх дасгал
Сандлын ирмэг дээр суугаад нэг хөлөө урагш жийнэ. Сунгасан хөл рүүгээ аажмаар бөхийнө. Гэхдээ өөртөө хэт их ачаалал өгч, өвдөлт мэдрэх хэрэггүй. Ингээд 5-10 удаа давтаад нөгөө хөлөө жийж дахин хийнэ. Энэ дасгал бүсэлхий, өгзөгний булчин дахь ачааллыг бууруулж биеийн суллана.
Гэртээ хийх дасгал
Толгой дороо дэр юм уу, эвхсэн даавуу тавиад дэр тавьж хэвтэнэ. Баруун хөлөө өвдгөөр нь нугалж зүүн хөлөө дээр нь тавина. Зүүн хөлийн чинь тавхай баруун хөлийн гуян дээр чөлөөтэй байх ёстой.
Одоо баруун хөлийнхөө гуянаас хоёр гараараа бариад өөр рүүгээ шахаж тат. Гар чинь гуяндаа хүрэхгүй бол бүс ашиглаж болно. Өгзгөө шалнаас хөндийрүүлэхгүйгээр уг байрлалд 20-30 секунд байлга. Дахин хоёр удаа давтаад, нөгөө хөлөөрөө хийнэ.