Далан дээр зогсох дасгалыг иогийн хэллэгт Salamba Sarvangasana гэнэ. Энэ байрлал нь маш олон эерэг нөлөөтэй. Хамгийн түрүүнд эрүү цээжинд наалдан түгжигддэг хэсэгт цусан хангамж сайжирдаг тул бамбай болон бамбайн дэргэдэх булчирхайд эерэг нөлөөтэй.
Доод мөчдийн хэсэг дээш өргөгдөж байгаа тул газрын татах хүчний нөлөөгөөр мөчид болон хэвлийн доод хэсгийн цус цээж, хүзүү хэсэг рүү юүлэгдэх бөгөөд амьсгаа давчдах, зүрх савлах, багтраа, бронхит, төвөнхий үрэвсэлтэй хүмүүст нэн тохиромжтой. Түүнчлэн толгой байнга өвддөг хүмүүст толгойны өвчинг арилгана. Даралт ихэсдэг, нойргүйдсэн хүмүүст мөн эерэг нөлөөтэй. Биеийн байрлал урвуу болсонтой холбоотойгоор хэвлийн эрхтнүүдэд нөлөөлнө.
Хоол боловсруулалт сайжирч, өтгөн хаталт арилна. Бөөр шээсний замын архаг үрэвсэл цусан хангамж өөрчлөгдсөнтэй холбоотойгоор эрүүлжинэ.
Энэ байрлалдаа өдөрт 1-3 удаа 5 мин жигд амьсгална. Хамраараа аваад хамраараа гаргана. Энэ асанаг шууд хийж чадахгүй бол тулгуур болох бусад хэрэглэлийг хэрэглэж хийгээрэй.
Бид багаасаа л биеийн тамирын хичээл дээр далан дээр зогсох дасгалыг хийдэг байсан хэдий ч ач холбогдлыг нь төдийлэн сайн мэддэггүй. Энэ удаад далан дээр зогсохын ач холбогдлын талаар хүргэе.
Далан дээр зогсох дасгалыг иогийн хэллэгт Salamba Sarvangasana гэнэ. Энэ байрлал нь маш олон эерэг нөлөөтэй. Хамгийн түрүүнд эрүү цээжинд наалдан түгжигддэг хэсэгт цусан хангамж сайжирдаг тул бамбай болон бамбайн дэргэдэх булчирхайд эерэг нөлөөтэй.
Доод мөчдийн хэсэг дээш өргөгдөж байгаа тул газрын татах хүчний нөлөөгөөр мөчид болон хэвлийн доод хэсгийн цус цээж, хүзүү хэсэг рүү юүлэгдэх бөгөөд амьсгаа давчдах, зүрх савлах, багтраа, бронхит, төвөнхий үрэвсэлтэй хүмүүст нэн тохиромжтой.
Түүнчлэн толгой байнга өвддөг хүмүүст толгойны өвчинг арилгана. Даралт ихэсдэг, нойргүйдсэн хүмүүст мөн эерэг нөлөөтэй. Биеийн байрлал урвуу болсонтой холбоотойгоор хэвлийн эрхтнүүдэд нөлөөлнө. Хоол боловсруулалт сайжирч, өтгөн хаталт арилна. Бөөр шээсний замын архаг үрэвсэл цусан хангамж өөрчлөгдсөнтэй холбоотойгоор эрүүлжинэ.
Энэ байрлалдаа өдөрт 1-3 удаа 5 мин жигд амьсгална. Хамраараа аваад хамраараа гаргана. Энэ асанаг шууд хийж чадахгүй бол тулгуур болох бусад хэрэглэлийг хэрэглэж хийгээрэй
НУРУУНЫ ӨВЧНӨӨС УРЬДЧИЛАН СЭРГИЙЛЭХ ЗӨВЛӨМЖ
Нурууны доод хэсэг өвдөх шалтгаанууд:
Булчин эсвэл шөрмөс.
Олон удаагийн давтан хүнд юм өргөх, огцом эв хавгүй хөдлөх зэргээс үүдэн нурууны булчин болон нарийн шөрмөсүүдийг чангалдаг. Хэрэв таны бие ядарсан, туйлдсан байгаа бол нуруугаа тогтмол ачааллахад булчингийн цочрол үүсдэг байна.
Зөөлөн эд, нурууны диск.
Диск гэдэг нь нурууны нугалам хооронд оршдог эд бөгөөд шингэн эд болон мяндаслаг бүрхүүлээс бүрддэг бөгөөд нуруунд ирэх доргилтыг шингээж багасгах үүрэг гүйцэтгэдэг. Өндөр наслалт болон гадны нөлөөний улмаас дискний бүрхүүл гэмтэх юмуу урагдсанаас дискний шингэн эд гадагшилж мэдрэлийг даран зовиур үүсгэдэг эмгэг юм.
Үений үрэвсэл, Артрит
Артрит гэдэг нь үений үрэвсэл бөгөөд хамгийн түгээмэл тохиолддог Остеоартрит нь мөгөөрс болон бусад эдүүдэд гэмтэл учирсанаар үений өвдөлт болон хөшилтөөр илэрдэг архаг өвчин юм. Остеоартрит үүсэх нөхцөл нь тодорхойгүй байдаг бөгөөд ихэнх тохиолдолд насжилт байдаг. Остеоартрит нь доод нурууны өвдөхөд нөлөолж болдог.
Ясны сийрэгжилт.
Таны яс сүвэрхэг, хэврэг болох тохиолдолд нурууны нугалам нь маш их зовиуртай, өвдөлттэй хугарлыг үүсгэдэг. Ясны сийрэгжилт нь бие хангалттай шинэ яс төлжүүлж чадахгүй байх, хэтэрхий их хуучин яс биенд дахин шингэх эсвэл энэ хоёр шалтгаанаас хоёулангаас нь болж үүсдэг байна.
Өвчин үүсгэх эрсдэл, хүчин зүйлүүд:
Хөгшин залуу гэлтгүй хүүхэд хэн ч нурууны өвчин тусах боломжтой. Доорх хүчин зүйлүүд нь нурууны өвчин тусах эрсдэлд хүргэж болзошгүй юм.
Нас. 30 эсвэл 40 наснаас эхлэн нас ахих тусам нурууны өвчин илүү их тохиолддог.
Хөдөлгөөний дутагдал. Нуруу, хэвлий дэх сул, ашиглагддаггүй булчингууд нурууны өвчинд хүргэж болзошгүй.
Илүүдэл жин. Биеийн илүүдэл жин таны нуруун дээр их ачаалал өгч дарамт үүсгэдэг.
Эмгэг, хууч өвчин. Зарим төрлийн үе мөчний үрэвсэл, хорт хавдар нь нурууны өвчинд нөлөөлдөг.
Зохисгүй хүнд юм өргөх. Хөлний булчингаа ашиглахгүйгээр нуруугаа хэт ачааллуулж хүнд юм өргөх нь нурууны өвчинд хүргэдэг.
Сэтгэл зүйн байдал. Сэтгэл гутрал, санаа зоволт, сэтгэлийн хямралд өртөмтгий хүмүүст нурууны өвчин тусах эрсдэл өндөр байдаг.
Тамхи татах. Тамхи татдаг хүмүүсийн нуруу өвдөх эрсдэл илүү их байдаг. Тамхи татах нь уушгинд ихээр хөнөөлтэй бөгөөд энэ нь амьсгалахад бэрх болгож ханиалгахыг дэмждэг ба энэ нь ивэрхий диск үүсгэх эрсдэл болдог. Тамхи татах нь нурууны цусны урсгалыг бууруулж, ясны сийрэгжилтийн эрсдлийг нэмэгдүүлдэг.
Буруу суулт. Суух эсвэл зогсож байхдаа биеэ буруу байрлалд байлгах нь нурууны өвдөлтөд ихээр нөлөөлдөг. Хэт их урагш хазайж, хэт хол тонгойх нь нуруу өвдөх эрсдэлийг нэмэгдүүлдэг.
Сэргийлэх арга:
Биеийн тамираа сайжруулж, зөв биеийн механик дасгал хийж, дадлага хийснээр нурууны өвчнөөс зайлсхийх эсвэл өвчний дахилтаас урьдчилан сэргийлэх боломжтой.
Нуруугаа эрүүл, хүчтэй байлгах аргууд:
Дасгал. Бага ачаалал өгөхүйц аэробикийн тогтмол дасгалууд – нуруугаа чангалдаггүй, цочирдуулдаггүй дасгалууд нь нурууны хүч чадал, тэсвэр тэвчээрийг нэмэгдүүлж, булчингаа илүү сайн ажиллуулах боломжийг олгодог. Алхах, усанд сэлэх нь нэн тустай. Та ямар дасгал хийж болох талаар эмчээс зөвлөгөө авах хэрэгтэй.
Жингээ хэвийн хэмжээнд байлгах. Илүүдэл жинтэй байх нь нурууны булчингуудыг чангалдаг. Хэрэв та илүүдэл жинтэй бол жингээ хасах нь нурууны өвчнөөс сэргийлж чадна.
Тамхинаас гарах. (Хэрэв татдаг бол) Тамхи татах нь таны нурууны өвдөлтийг нэмэгдүүлдэг. Өдөрт татдаг тамхины тоогоор эрсдэл нэмэгддэг тул тамхинаас гарах нь эрсдлийг бууруулна.
Нуруугаа мушгих болон сунгасан хөдөлгөөнөөс зайлсхий:
Ухаалаг зогс. Битгий бөгтий, Битгий унжгар бай. Аарцгийн төвийг сахисан байрлалыг хадгалах. Хэрэв та удаан хугацаагаар зогсож байх ёстой бол нурууныхаа ачааны зарим хэсгийг авахын тулд нэг хөлөө намхан сандал дээр тавь. Зөв зогсох нь нурууны булчингийн дарамтыг бууруулдаг.
Ухаалаг суу. Нурууны тулгуур, түшлэгтэй, нугасан суурьтай суудлыг сонгоорой. Нуруундаа дэр эсвэл цувисан алчуур байрлуулах нь хэвийн муруй байдлыг хадгалах боломжтой. Өвдөг, ташаанаа нэг түвшинд байлга. Дор хаяж хагас цаг тутамд байрлалаа өөрчилж байгаарай.
Ухаалаг өргө. Боломжтой бол хүндийн өргөлтөөс зайлсхий, гэхдээ хүнд зүйл өргөх шаардлагатай бол хөлнийхөө булчинг ашиглаарай. Нуруугаа шулуун байлгаж, мушгиралгүйгээр зөвхөн өвдөг дээрээ бөхийлгө. Ачааллыг биедээ ойрхон барь. Хэрэв өргөж буй зүйл хүнд эсвэл эвгүй болхамт өргөх хүн хайж олоорой.