Элэг бол хүний бие махбодийн хамгийн чухал эрхтэн. Түүний гол үүрэг бол бие организмыг хортой бодисуудаас шүүж цэвэрлэх юм. Иймээс бид элгэндээ хамгийн их анхаарах шаардлагатай. Тэгвэл яаж? Үүний тулд бие организмыг хэрэгцээтэй, тэжээлийн бодисуудаар хангах ёстой.
Элгэнд ноцтой асуудал үүссэнийг илтгэх түгээмэл шинжүүд
Архаг ядаргаа
Сэтгэл санааны тогтворгүй байдал
Тархи толгой дүүнгэтэх, бие сулрах
Толгой өвдөх /нүдээр нь хатгуулж өвдөх/, амарсаны дараа намддаг толгойн өвдөлт
Үе мөч болон булчингийн өвдөлт
Хэт их хөлрөх
Өөх тостой хурц хоолыг боловруулахад ходоодонд асуудал үүсэх
Харшил
Батга
Унгах, гэдэс дүүрэх, гэдэс өвдөх, өтгөн хатах, гүйлгэж суулгах
Дааврын тэнцвэргүй байдал
Сэтгэл гутрал, сэтгэлээр унах
Аливаа химийн бодисонд мэдрэг болох
Амнаас эвгүй үнэр үнэртэх
Шалтгаангүйгээр биеийн жин нэмэгдэх
Цөсний хүүдийгээ авахуулах
Танд эдгээр шинж тэмдэг илэрдэг бол үүссэн асуудалтай тэмцэхийн тулд зөв зохистой хооллох шаардлагатай. Үүнийг хэрэгжүүлэхийн тулд тийм ч хэцүү биш юм.
Аль болох органик хүнс хэрэглэж, генийн өөрчлөлтөнд орсон бүтээгдэхүүнээс зайлсхийх
Чанар сайтай, амьтны болон ургамлын гаралтай уураг, үр тариа, ферментжүүлсэн бүтээгдэхүүн, эмчилгээний зориулалттай өөх тос, түүхий самар, ургамлын үр зэрэг хүнсийг тэнцвэртэй байдлаар хэрэглэх
Үрэвсэл үүсгэдэг тос болох рапс, эрдэнэшиш, шар буурцгийн тос, ургамлын тос, хөвөнгийн тос, наранцэцгийн тос зэргийг хэрэглэхгүй байх
Цэвэр усыг хангалттай хэмжээгээр уух
Эрүүл, биед чухал ач холбогдолтой тос болох наргил модны тос, улаан далдуу модны тос, оливын тос, шар тос, авокадо болон маалинганы тос зэргийг түлхүү хэрэглэх
Ширхэглэгтэй хүнсийг хангалттай хэмжээгээр буюу өдөр дор хаяж 35 граммыг хэрэглэж заншаарай. Ийм хүнсэнд чиа үр, артишок, маалинганы үр, авокадо, брокколи, брюссель байцаа зэрэг ордог.
Дахин боловсруулсан чихэр болох бор, цагаан элсэн чихэр, чихрийн нишингэнээс гарган авсан элсэн чихэр, чихрийн нишингэний ундаа, шүүснээс татгалзах нь зүйтэй.
Фруктозын хэрэглээг хязгаарлаж өдөр 20-25 гр-ийг хэрэглэх: глюкоз-фруктозын агууламж өндөртэй эрдэнэшишийн сироп, гликемик өндөртэй жимс
Хүнсэндээ С болон В бүлгийн аминдэм, фолийн хүчил, магни агуулсан ногоон өнгийн навчит ногоог түлхүү хэрэглэх
Мөн хоолондоо амьтны болон ургамлын гаралтай аминхүчлийн эх булаг болсон ясны шөл, коллаген, тахианы мах, өндөг, түүхий бууцай, яншуй, байцаа, хүрэн манжин зэргийг оруулах
Хүхрийн эх үүсвэр болох өндөг, брокколи, брюссель байцаа, сармис, сонгино, спаржа, байцаа зэрэгт гойд анхаарлаа хандуулан хэрэглэх
Хэрэв дээр дурдсан шинж тэмдэг илэрдэг бол согтууруулах ундааны хэрэглээг хязгаарлаж өдөр тутмынхаа зуршлыг эрүүл болгоорой.
Энэхүү 12 зөвлөгөө нь таны элэгний үйл ажиллагааг дэмжихэд туслах энгийн зүйл бөгөөд элэггүй бол та амьд байх учиргүй гэдгийг үргэлж санах ёстой.
Сүүтэй луувангийн шүүсийг нэг сарын турш тасралтгүй ууж чадвал өвчин алга болно
Элэгний үрэвслийг эмчилдэг орос ардын уламжлалт хэрэгсэл нь эрдэнэ шишийн сэмэрдэс, цуулдас юм. Эрдэнэ шишийн навчийг нь авч хаяад, үрийг нь гаргахад маш олон сэмэрдэс цуулдас ил гарч ирдэг. Тэгвэл энэхүү цуулдсыг авч цай шиг чанаад уух хэрэгтэй. Ийм эмчилгээ нь заримдаа хагас жил ч үргэлжилж болно. Эрдэнэ шишийн цуулдсаар бэлтгэсэн цай уухад гэдэсний үйл ажиллагаа эрчимжиж, хоол идэх дуршил нэмэгддэг юм. Эмчилгээний үр дүнг сайн байлгая гэвэл эрдэнэ шишийн үр нь сайтар боловсорсон байх хэрэгтэй. Боловсорч амжаагүй эрдэнэ шишийн цуулдасны эмчилгээний чанар тааруу байдаг.
Мөн хагас стакан байцааны давстай ус, хагас стакан шинэхэн улаан лоолийн шүүсийг сайтар холиод хоол идсэний дараа өдөрт гурван удаа уух хэрэгтэй. Энэ арга нь үйлчилгээ султай ч удаан хугацааны туршид хэрэглэхэд бага боловч үр дүнтэй байдаг аж.
Элэгний өвчин, элэгний хавдарын үед сайн чанарын ургамлын тос стаканы дөрөвний нэг хэмжээтэй мөн яг ийм хэмжээний грейпфрутын шүүсийг хольж уух хэрэгтэй. Ингэхдээ клизм, бургуйгаар ходоодоо цэвэрлэсэн байх ёстой. Хоол идсэнээс хойш хамгийн багадаа хоёр цагийн дараагаас шөнө уудаг аж. Уусныхаа дараа нь баруун талаараа харж хэвтэх хэрэгтэй. Өглөө нь клизм бургуйгаа дахин тавина. Үүнийг дөрвөөс таван өдрийн дараа давтан хийж болно.
Үе мөчний хэрх өвчинтэй үед давхар элэг өвдвөл аньс жимсний навчны ханд уух хэрэгтэй. Үүний тулд гурван стакан буцалсан усанд 20 – 30 грамм аньсны навч хийж арван минут буцалгаад хөргөнө. Ингээд өдөрт гурван удаа уугаарай.
Элэгний үйл ажиллагааг идэвхижүүлэх
Элэгний орчим гарынхаа алгаар / нэг гарынхаа дээрээс нөгөө гарын алгаар дарах/ гурван минутын туршид өглөө орондоо байхдаа дарж шахаж өгвөл элэгний үйл ажиллагааг идэвхижүүлэхэд тустай байдаг. Хэрвээ энэ эмчилгээний эхэн үед өвдөлт мэдэрвэл багасгах хэрэгтэй. Энэ арга нь шарталтын үед бас тустай байдаг.
Аль болох их инээх хэрэгтэй!
Инээх үед амьсгалын систем, хоол боловсруулах үйл ажиллагаа идэвхиждэг. Энэ нь элэгний үйл ажиллагааг тогтворжуулж бүх л өдрийн туршид сэтгэл санааг өөдрөг байхад тусалдаг.
Астамтай үед элгээ эмчлэх
Астмын эмчилгээнд зориулсан эм бэлдмэл уух нь элэгний үйл ажиллагааг хүндрүүлдэг байна. Тэгвэл яах ёстой вэ?
Үүний тулд 100 – 200 грамм луувангийн шүүс бэлтгэж уух хэрэгтэй. Шүүсээ бэлтгэхдээ ногооны үрүүл, шүүс шахагч бүр махны машиныг ашиглаж болно. Дараа нь 70-80 хэм хүртэл халаасан 100-200 грамм сүүг луувангийн шүүстэйгээ хольж ууна. Ингэхдээ өглөө өлөн элгэн дээрээ уугаарай. Сүутэй луувангийн шүүс нь таны хамгийн анхны өглөөний унд болдог. Үүнийг нэг сарын турш уух хэрэгтэй. Та нэг сарын турш тасралтгүй ууж чадвал өвчин алга болно. Хэрвээ үр дүн муутай байвал долоо хоног өнжөөд дахин үргэлжлүүлэх хэрэгтэй гэнэ.
Энэ хугацаанд ямар ч спиртийн төрлийн ундаа, архи тамхи хэрэглэж болохгүй. Өөр ямар нэг эмчилгээг давхар хийхгүй байвал сайн аж.
Элгээ хэрхэн цэвэрлэх вэ?
Бие организмын гол шүүлтүур болох элгээ үе үе цэвэрлэж байх хэрэггэй байдаг. Ийм цэвэрлэгээг эрүүл биетэй хүн жилдээ хоёр удаа хийвэл сайн. Харин өвчтэй бол гурван сар тутамд нэг удаа хийж байх хэрэгтэй.
Элгээ цэвэрлэх эмчилгээний жор
Ингээд гурван стакан овьёосыг хальстай нь хамт бүлээн усанд сайтар угааж таван литрийн паалантай саванд хий. Дээр нь хусны унгирал / хавар гардаг/ хоолны гурван халбага, аньсны навн хоолны хоёр халбага хийж дөрвөн литр хүйтэн ус хийгээд сэрүүн газар нэг хоног хөдөлгөөнгүй байлга. Өөр нэг паалантай саванд нэг литр ус хийж буцалга. Нэг стакан нохойн хошууны хатаасан жимсийг хүйтэн усанд сайтар угаагаад нухасны дараа нөгөө буцалж байгаа усандаа хийнэ.
Арваас илүүгүй минут буцалгасны дараа сэрүүн газарт нэг хоног хөдөлгөлгүй хандалж тавиарай. Харин овьёосны ханд бүхий саваа сайтар таглаад гал дээр тавьж 15 минут хэртэй буцалга. Дараа нь шувууны мэхээр өвс /горец птичий/ хоолны гурван халбага, эрдэнэшишийн цуулдас хоолны хоёр халбага хийж 15 минут хэртэй буцалгаад гал дээрээс авч 45 минут хандалж тавих хэрэгтэй. Хоёр хандаа марло, шүүлтүүрээр сайтар шүүсний дараа нийлүүлж хар шилэн лонхонд хийгээд хөргөгчинд тав хоног хадгална.
Насанд хүрсэн хүн элгээ цэвэрлэхдээ дээрх бэлдмэлээсээ халуунаар хоол идэхээс гучин минутын өмнө дөрвөн удаа уух хэрэгтэй. Нэг удаа уух нь 150 миллилитр хэмжээтэй байна. Хамгийн сүүлийн уулт оройн 19 цагаас хойш байж болохгүй.
-2-3 настай хүүхдэд десертийн халбагаар нэг удаа
– 3-5 настай хүүхдэд хоолны нэг халбагаар өдөрт нэг удаа
-5-10 настай хүүхдэд 25 миллилитр хэмжээтэй
Харин арваас дээш настай хүүхдэд 50 миллилитр хэмжээгээр өгөх хэрэггэй. Курс эмчилгээ нь арав хоног үргэлжилнэ. Дараа нь завсарлага авсны дараа эмчилгээг дахин үргэлжлүүлж болно. Завсарлах хугацаандаа ногоо, жимсний шүүс ууж, стресс тайлах ваннд орвол сайн байдаг.
Элэгний үйл ажиллагааг сайжруулах арга
Ижил хэмжээтэй хиаг, нохойн хошуу, хагас хэмжээтэй халгайгаар бэлтгэсэн ханд нь элэгний үйл ажиллагааг сайжруулж, бэхжүүлдэг. Хандыг бэлтгэхдээ цайны гурван халбага холимгоо стакан усаар зайлаад буцалгах төдий хүртэл нь халаагаад хөргөж, тунгаана. Хэрвээ хүүхдийн тань элэг болон цөсний хэвийн үйл ажиллагаа алдагдсан байгаа бол хоол идэхээс хагас цагийн өмнө тал стаканаар өгөх хэрэгтэй. Шөнө хүүхэд, том хүн аль нь ч ууж болно. Энэ ханд нь эмчилгээний, урьдчилан сэргийлэх тун сайн үйлчилгээтэй.
Бас элэгний үйл ажиллагааг дэмжих сайн үйлчлэлтэй өөр нэг ханд бол 300 грамм шувууны мэхээр, 50 грамм мөнхийн цэцэг авч түүн дээрээ хоёр стакан буцалсан ус хийж шөнө хандалж хонуулна. Харин өглөө нь тунгаасан хандаа шүүж устай хольж уух хэрэгтэй. Хэмжээний хувьд ямар нэг хязгаарлалт байхгүй. Энэ ханд нь насанд хүрсэн хүмүүст илүү тохирдог байна.