Зөв цэгүүдийг өдөөх нь эрүүл мэндийг сайжруулдаг.
Япончууд олон зууны турш үр дүнтэй уламжлалт эмчилгээний аргуудыг хэрэглэж ирсэн бөгөөд өнөөдөр бид танд ердөө 5 минут зарцуулдаг эмчилгээг сонирхуулж байна.
Жин Шин Жицү бол хурууны тодорхой цэгүүдийг цочроох замаар сэтгэл хөдлөлийн тэнцвэрийг сэргээдэг Японы анагаах ухааны эртний хэлбэр юм. Эдгээх нөлөө нь хуруу бүр нь биеийн хоёр эрхтэнтэй холбоотой бөгөөд тэдгээрийн зөв цэгүүдийг өдөөх нь бие махбодийн болон сэтгэл санааны эрүүл мэндийг сайжруулдаг.
Энэхүү 5 минутын үр дүнтэй эдгээх арга нь олон өвчнийг эмчлэх гайхалтай үр өгөөжийг өгдөг бөгөөд энэ нь хэрхэн ажилладаг талаар эндээс үзнэ үү.
Тодорхой дотоод эрхтнийг эдгээхийн тулд та зүгээр л нөгөө гараараа тохирох хуруугаа аваад 3-5 минутын турш чанга дарах хэрэгтэй. Гүнзгий амьсгаа аваад дараа нь хоёр хуруугаараа бүх нөгөө гарын хуруугаа 3 минут орчим массаж хийнэ.
Эрхий хуруу.
Холбоотой: ходоод, дэлүү.
Сэтгэл хөдлөл: сэтгэлийн хямрал, түгшүүр.
Ерөнхий шинж тэмдгүүд: арьсны асуудал, мэдрэлийн эмгэг, толгой өвдөх, ходоод өвдөх.
Долоовор хуруу.
Холбоотой: бөөр ба давсаг.
Сэтгэл хөдлөл: айдас, төөрөгдөл, урам хугарах.
Ерөнхий шинж тэмдгүүд: шүд өвдөх, булчин өвдөх, нурууны өвдөлт, хоол боловсруулах эрхтний асуудал.
Дунд хуруу.
Холбоотой: элэг, цөсний хүүдий.
Сэтгэл хөдлөл: уур хилэн, тодорхойгүй байдал, цочромтгой байдал.
Ерөнхий шинж тэмдгүүд: мигрень, ядрах, цусны эргэлтийн асуудал, сарын тэмдгийн өвдөлт, толгой өвдөх.
Ядам хуруу.
Холбоотой: уушиг, бүдүүн гэдэс.
Сэтгэл хөдлөл: уйтгар гуниг, айдас, сөрөг байдал.
Ерөнхий шинж тэмдгүүд: хоол боловсруулах эрхтний эмгэг, астма, амьсгалын замын өвчин, арьсны өвчин.
Чигчий хуруу.
Холбогдох: зүрх ба нарийн гэдэс.
Сэтгэл хөдлөл: сэтгэлийн түгшүүр, сандарч, өөртөө итгэх итгэлгүй байх.
Ерөнхий шинж тэмдгүүд: ясны асуудал, зүрхний өвчин, хоолой өвдөх.
Дараагийн удаад эдгээр шинж тэмдэг илэрсэн тохиолдолд энэхүү 5 минутын эмчилгээг туршаад үзээрэй, та эерэг нөлөөг нь гайхах болно.
Гартаа иллэг хийж инергийн хаагдсан замыг цэвэрлэн өөрийн биеийг эмчилдэг. Эртний Японы эмчилгээний арга
Японы эртний урлаг болох Жинь Шин Жюүцүд хүний биед үүсэж байгаа аливаа асуудал голчлон сэтгэл зовинолоос үүдэлтэй байдаг гэж тайлбарладаг байна.
Иймээс энэхүү сэтгэл зовинолоос ангижрах хамгийн сайн арга бол гартаа иллэг хийж энергийнхээ хаагдсан замыг цэвэрлэх гэж үздэг байна. Энэ дасгалаас үзэхэд хуруу тус бүр тодорхой нэг эрхтэн болоод сэтгэл хөдлөлтэй холбоотой байдаг байна.
Тиймээс бид ямар нэгэн асуудлаас ангижрая гэвэл гартаа зөөлөн даралттай иллэг хийж өгч байх хэрэгтэй юм.
Биеэ сайн мэдэрч тания гэвэл гарын даралтын цэгүүдийг сайн мэддэг байх хэрэгтэй.
ГАРЫН ТАВАН ХУРУУ
Ерөнхийдөө бол хүний эд эрхтэн бүхэн хуруу тус бүртэй холбоотой байдаг. Тухайн эрхтэнд тулгарсан асуудалуудыг эмнэх, өвчинг нь намжаахад тусалдаг байна.
Эрхий хуруу: Эрхий хуруу нь ходоод, дэлүүтэй холбоотой байх бөгөөд хоол боловсруулах эрхтэнтэй холбоотой асуудалууд мөн сэтгэл гутралаас үүдэлтэй толгойн өвчинг намдаахад оролцдог байна.
Долоовор хуруу: Энэ хуруу нь давсаг, бөөртэй холбогддог. Энэ хуруунд иллэг хийж өгснөөр нурууны өвчин, шүдний өвчин түүнчлэн айдас, бухимдал ч арилдаг. Мөн гарын тохой, булчингийн хэсэгт үүссэн эмзэглэл ч арилдаг байна.
Дунд хуруу: Энэхүү хуруу нь цөсний хүүдий, элэгтэй холбогддог. Энд иллэг хийвэл ядаргаа, хий ханиалганд тустай байх болно. Энэ иллэг мөн уур бухимдал, цочимтгой, аймхай, тогтворгүй байдалд ч эерэгээр нөлөөлдөг.
Ядам хуруу: Энэ хуруу нь бидний элэг, бүдүүн гэдэстэй холбогддог. Мөн уйтгар гунигт автаж, сөрөг бодол төрж, эрүүлээр сэтгэж чадахгүй болсон үед энэ хуруунд иллэг хийж өгөх их тустай.
Чигчий хуруу: Чигчий хуруу нь зүрх, нарийн гэдэстэй холбогддог. Сэтгэл хөдлөлөө барих, хоолойн өвдөлтийг намдаахад тустай. Оюун ухааны хувьд өөртөө итгэх итгэлээ алдах, төөрч будилахаас хамгаалдаг.
2. ХУРУУНЫ ҮЗҮҮР
5 хурууны үзүүрүүд дээр дарж иллэг хийвэл халуурах, хоолой өвдөх зэрэг ханиадны шинж тэмдэгүүд арилдаг байна.
3. ДӨРВӨН ҮЕ
Хурууны 2 болон 3 дугаар үе дээр орших эдгээр 4 цэг нь бидний нүд, чихтэй холбогддог. Нүд болон чих өвдсөн тохиолдолд эдгээр цэгүүд дээр иллэг хийж илааршуулж болно. Мөн эдгээр биологийн идэвхит цэгүүд дээрээ иллэг хийдэг хүмүүс үүнийг хоолны шингэцэд сайн нөлөө үзүүлдэг хэмээн үздэг, ялангуяа хүүхдийн хоолны шингэцэд нэн тустай гэж үздэг.
ЛАНГИЙН СУВАГТ ОРШИХ ЦЭГҮҮД
Энэ хэсэгт эрхий хурууны үзүүрээс эхлээд бугуйн нугалардаг хэсэг хүртэлх бүх зай ордог. Энэ хэсэгт хэд хэдэн даралтын цэгүүд байдаг. Үүний бүх цэгүүд дээр болон зарим нэг цэгүүд дээр иллэг хийн хоолой сэрвэгэнүүлсэн, ханиаж найтаалгадаг, жихүүдэс хүргэдэг ханиадны нийтлэг шинж тэмдгүүдийг эмчлэх боломжтой. Энэ хэсэг нь нурууны нугастай холбоотой байх тул үүнийг нурууны өвдөлтийг намжаахад тустай гэж үздэг.
ЗҮРХНИЙ 7-Р ЦЭГ.
Энэ цэг нь сэтгэл санааны тавгүйтэлийг арилгахад тустай нь нотлогдсон судалгаанууд 2017 оноос бүртгэгдэх болсон. Судалгаагаар зүрх судасны хагалгаа хийлгэхийн өмнө энэ гарын иллэгийг хийлгэсэн хүмүүсийн хагалгааны талаарх сэтгэл зовинол нь эрс багассан нь ажиглагдсан байна. зүрхний 7-р цэг бугуйн нугалардаг атираат хэсэгт байрладаг. Хоёр гарынхаа энэ цэг дээр тус бүр 1 минут илж тайвшралыг мэдэрч болно.
БУГУЙН ГАДНА БА ДОТООД ЦЭГ
Энэ цэгийг олохын тулд гарынхаа 3 хурууг ашиглан буйнаасаа 1 инч доош хэмжээд бугуйн төв хэсэгт орших дотоод хаалга хэмээгддэг цэгийг олж чангахан илж өгөөрэй. Дотор эвгүйрхэх, ходоод өвдөх зэрэг хоол боловсруулах эрхтэнтэй холбоотой зарим нэг асуудалууд шийдвэрлэхэд нэн тустай байх болно. Мөн энэхүү онцгой цэг дээр иллэг хийснээр толгойн өвчин намжихаас гадна сайн ч эмчлэгддэг байна.
ГАРЫН ХОНХОР ЦЭГ
Энэ цэг нь гарын долоовор болон эрхий хуруудын хооронд орших бөгөөд энэхүү цэгт хийгддэг иллэгийг өвдөлт намдаадаг гэж үздэг. Толгойн өвдөлт, хүзүү, мөрний өвчин, шүдний өвчинд ч тустай. Мөн, 6 долоо хоногийн давтамжтай тайвшруулах эмчилээний үр дүнд өтгөн хаталттай хүний асуудал ч шийдэгдсэн байна.
ЭРХИЙ ХУРУУНЫ УГ ДЭЭРХ ЦЭГ
Энэ цэг нь бугуйн нугалардаг хэсэгт ойр, эрхий хурууны угт байрладаг цэг юм. Энэ цэг дээр даралт өгөгдсөнөөр амьсгалтай холбоотой асуудалууд болоод амьсгалын замын өвчлөлүүд илааршдаг байна. Мөн энэ цэг нь сэтгэл хөдлөлөө барьж аз жаргалтай байхад тань ч тусалж чадна.
ЧИГЧИЙ ХУРУУНЫ УГ ДЭЭРХ ЦЭГ
Алганы хамгийн том нугалаасны дээхнэ талд чигчий хурууны төгсгөлд энэ чухал цэг оршдог. Энэ цэг дээр чангавтар дарж илэхэд чих, толгой, хүзүү зэргийн өвчин намддаг. Энэ цэг дээр хийдэг иллэг нь мөн давсаг, элэг хоёрын хоорондох инергийг тэнцвэржүүлж өгдөг байна. Эцэст нь хэлэхэд, энэ цэгийн иллэг нь таныг илүү өөртөө итгэлтэй, бие даасан, хүчтэй, тэсвэр тэвчээртэй байхад тусална.
Эх сурваж: Brightside.me
Бидний амьдралд урьдчилан тооцоолох боломжгүй аливаа эрсдэл тохиолдож байдаг. Эрсдэлийг бид халтирч унах, гэмтэж бэртэх, өвдөх зэргээр ойлгодог. Гэвч эрсдэл гэдэг нь бидэнд тохиолдож болзошгүй, тодорхой хэмжээгээр хохирол учруулах нөхцөл байдал үүсэх явдал юм. Өөрөөр хэлбэл халтирч унах нь эрсдэл биш, харин халтирч унаснаас үүсэх нөхцөл байдал нь эрсдэл юм. Эрсдэл тохиолдох үед бид бэлтгэлтэй байх хэрэгтэй. Ялангуяа эрүүл мэнд бидний хувьд хамгаалах ёстой хамгийн чухал үнэт зүйлсийн нэг гэдэгт та санал нэгдэх биз.
Бид бүхэн эрүүл энх байж, хайртай дотнын хүмүүсээ хамгаалж
аливаа зүйлийг хийж бүтээнэ.
Бидний эрүүл мэндэд маш олон эрсдэлд хүчин зүйл нөлөөлдөг байна. Үүнийг бүлэглэн авч үзвэл, хүрээлэн буй орчны нөлөө 25% , удамшлын элдэв өвчин 10%, эмнэлгийн үйлчилгээ, цаг үеэ олсон байдал 10%, амьдралын хэв маягаас 55% хамаардаг байна. Орчны нөлөөний хувьд өнөөдөр Монголын нөхцөл байдалд агаарын бохирдол, хог хаягдал, хөрсний бохирдол зэрэг нь тулгамдаж буй асуудлуудын нэг болоод байна.
Тухайлбал, зүрх судасны өвчлөлийн 20 орчим хувь, уушгины хавдрын 40 орчим хувь нь агаарын бохирдлоос үүдэлтэй ба нийт нас баралтын 9-13 хувь нь агаарын бохирдолтой ямар нэгэн байдлаар холбоотой гэсэн судалгаа гарсан байна. Хог хаягдал, хөрсний бохирдол нь нян, химийн хорт бодис агуулсан байдаг тул хүний эрүүл мэндэд сөргөөр нөлөөлж, олон төрлийн халдварт өвчин, хордлогууд үүсгэх гол хүчин зүйл болдог байна.
2018 оны байдлаар дунджаар 5000 гаруй хүн зүрх-судасны тогтолцооны өвчин, 4000 гаруй хүн хавдраар, 2500 гаруй хүн гэмтэл хордлого ба гаднын шалтгааны улмаас нас барсан байна. Халдварт бус өвчний гол шалтгаан болох амьдралын буруу хэв маяг буюу архи, тамхины хэрэглээ, эрүүл бус хооллолт, хөдөлгөөний дутагдал нь манай улсын хүн амын дунд эрс нэмэгдэж байна. Тухайлбал, Нийт хүн амын 27,1% тамхи татдаг, 20% архи хэтрүүлэн хэрэглэдэг, 22,3% хөдөлгөөний дутагдалтай, 54,4% илүүдэл жинтэй, 19,7% таргалалттай байна.
Мэдээж эрүүл мэндтэй холбоотой эдгээр эрсдэлүүд нь санхүүгийн асуудлыг байнга дагуулж байдаг. Бид орчны нөлөө, амьдралын буруу хэв маягаасаа үүдэн өвчин туслаа гэж бодоход туссан өвчнөө эдгээх, эмчлэхэд зайлшгүй мөнгө шаардагдана.
Айл өрхийн орлого, зарлага харилцан адилгүй учраас эмчилгээний зардал өрхийн санхүүд харилцан адилгүй нөлөө үзүүлнэ. Гэвч өндөр дүнтэй эмчилгээний зардал гарах тохиолдолд тухайн өрхөд санхүүгийн хүндрэлийг бий болгох нь мэдээж.
Тухайлбал, Тухайн өрхийн ам бүл 4 байлаа гэж бодъё. Аав өрхийн орлогын 60%, ээж өрхийн орлогын 40% бүрдүүлдэг. Аав буюу өрхийн гол орлого бүрдүүлэгч өвдөж, ажил хийх боломжгүй болсон нөхцөлд ээж өрхийн санхүүг ганцаараа авч явах шаардлагатай учирна. Энэ тохиолдолд тухайн өрхийн орлого буурч өрхийн санхүүгийн тогтвортой байдал алдагдах нь тодорхой.
Өөрөөр хэлбэл байрны зээлийн төлбөр, хоол хүнс ахуйн зардал, хүүхдүүдийн сургалтын төлбөр, хэрэглээний зардлуудыг зохицуулахын тулд зээл авах, ойр дотнын хүнээс мөнгө зээлэх, зардлуудаа танах шаардлагатай тулгарна. Эдгээр зардлуудаас гадна нэмэлтээр Аавын эмчилгээний зардлыг зохицуулах болж санхүүгийн хүндрэл үүснэ. Иймээс бид бүхэн эрүүл мэндтэй холбоотой эрсдэлүүдээс үүдэх санхүүгийн хүндрэлтэй байдлыг даван туулах, доголдохоос сэргийлэх арга замыг хайж өөрийгөө болон гэр бүлээ хамгаалах хэрэгтэй.